 |
|
 |
|
 |
||
|
|
|
 |
|
|
|
Banyoles, Banyoles Cultura, Estany de Banyoles, Lago de Banyoles, Ajuntament de Banyoles, Ayuntamiento de Banyoles, Amics dels Museus de Banyoles, El Llegat, Museu Darder, Museu Arqueològic Comarcal de Banyoles, Arxiu Comarcal del Pla de l’Estany, Orgue de sant Esteve, Santa Maria dels Turers, Arca de Sant Martirià, Monestir de Banyoles, Monasterio de Banyoles, Megalitisme, Megalitismo, La Draga, El Tren Pinxo de Banyoles, Banyoles Medieval, La Font Pudosa, Els Menuts de Banyoles, La Llotja del Tint, La Farga, Els Gegants de Banyoles, Manípul de Manaies de Banyoles, Clot d'Espolla, TRIOPS CANCRIFORMIS, Els Carrers de Banyoles, Els Museus de Banyoles
acopisset et ibidem proprio sudore laborasset, ubi ecclesiam in honore sancti Stephani prothomartiris construxit et habitationes monachorum et receptacula pauperum aedificavit et monachos qui sub normam religionis perpetuo ibi degerent constituit. Sed cum idem abbas divina jussione a saeculo migravit, eligentibus ipsis monachis et consentiente venerabili viro Nibridio archiepiscopo, Mercoralem, virum venerabilem, in eodem monasterio abbatem constituerunt; quem in nostra praesentia adducens in manibus nostris eum commendavit, postulans idem Rampo comes clementiam nostram ut eum cum predicto monasterio et monachis ibi degentibus, una cum rebus quae tam ipsi ex eremo traxerunt vel ex adprissionem acceperunt quam et de donatione comitis vel de quolibet legali adtractu praesenti tempore juste et rationabiliter possidere videntur, sub mundoburdo et defensione atque immunitatis tuitione constitueremus. Cujus precibus libenter adquievimus et ita in omnibus concessimus atque super hoc praeceptum nostrum constituimus. Quapropter praecipientes jubemus ut memoratus Mercoralis abbas cum monachis sibi ad regendum comissis, sive cum rebus ad dictum monasterium legaliter aspicientibus, sub nostro constituere mundoburdo et immunitatis defensione, ut nullus quilibet ex judiciaria potestate in ecclesias aut loca vel agros seu reliquas possessiones memorati monasterii, quasmoderno tempore infra ditionem imperii nostri juste et legaliter possidet et quae deinceps in jure ipsius loci voluerit divina pietas augere, ad causas audiendas vel freda exigenda aut mansiones vel paratas faciendas aut fidejussores tollendos aut homines ipsius monasterii distringendos nec ullas redibitiones aut illicitas occasiones requirendas, nostris et futuris temporibus ingredi audeat vel ea quae supra memorata sunt penitus exigere praesumat.
In nomine domini Dei et salvatoris nostri Jesu Christi. Ludovicus divina ordinante providentia imperator augustus. Si erga loca divinis cultibus mancipata propter amorem Dei ejusque mercedem locis sibi famulantibus beneficia opportuna largimur, praemium nobis apud Dominum aeternae remunerationis rependi non diffidimus. Idcirco notum esse volumus omnium fidelium nostrorum praesentium scilicet et futurorum magnitudini qualiter vir illustris Rampo, comes nostram adiit serenitatem, suggerens mansuetudini nostrae eo quod quidam vir religiosus nomine Bonitus, quemdam locum eremum quod dicitur Baniolas, quod est situm in pago Bisuldunensi ubi antiquitus ecclesia, fundata fuerat, per licentiam Odilonis quondam comitis
